Тоңдо бакка асылып калган аялдын сөөгүн куткаруучулар ала албай жатат

© Фото / пресс-служба МЧС КРСпасатель во время работы
Спасатель во время работы - Sputnik Кыргызстан
Жазылуу
Бүгүн, 8-августта ӨКМ куткаруучулары сууга чөккөн үч адамдын сөөктөрүн издешет

БИШКЕК, 8-авг. — Sputnik. Ысык-Көл Тоң районундагы Орто-Токой суусуна чөгүп кеткен аялдын сөөгү бакка асылып калгандыктан куткаруучулар чыгара албай жатканын ӨКМдин маалымат кызматынан билдиришти.

"7-август күнү саат 21.30 чамасында Тоң районунун Көк-Мойнок айылындагы Орто-Токой суусунан болжол менен 25-30 жаштагы аялдын сөөгү табылгандыгы тууралуу маалымат түшкөн. ӨКМдин куткаруучулары барып, суунун деңгээли бийиктигинен даракка асылып калган сөөктү ала албай коюшкан", — деп айтылат билдирүүдө.

Сөөктү алып чыгуу иштери бүгүн улантылмакчы.

Мындан тышкары, ӨКМдин куткаруучулары бүгүн дагы сууга аккан эки адамды издешет. Биринчиси — Ысык-Ата районунун Ново-Покровка айылынын тургуну, экинчиси — Аламүдүн районунун Лебединовка айылынын жашоочусу. Экөөнү тең агын сууга алып кеткен.

Жаңылыктар түрмөгү
0