БИШКЕК, 1-авг. — Sputnik. Балыкчы — Бөкөнбаев — Каракол трассасында эки автоунаа кагышканын күбө Sputnik Кыргызстан агенттигинин WhatsApp номери аркылуу билдирди. Маалыматты Ысык-Көл ИИББдин маалымат кызматы тастыктады.
Жол кырсыгы 30-июлда саат 12:50лөр чамасында болгон. Honda Fit үлгүсүндөгү автоунааны айдап бараткан Каракол шаарынын тургуну алдын ала маалымат боюнча рулду башкара албай калган. Анын кесепетинен жолдун каршы тарабына чыгып, Audi 100 үлгүсүндөгү автоунаа менен кагышкан. Анын ичинде Тилекмат айылынын тургуну үй-бүлөсү менен болгон.
"Жол кырсыгынан Audi машинасынын ичиндеги бир жаштагы кыз чарчап калган. Анын 23 жаштагы энеси жана үч жашар бала ооруканага жеткирилген. Андан сырткары, Honda Fit машинасынын ичиндеги төрт жашар кыз түрдүү жаракат алган", — деп ИИББдин маалымат кызматы билдирди.
Милиция жол кырсыгынын чоо-жайын териштирүүдө.
