БИШКЕК, 30-июл. — Sputnik. Улуттук коопсуздук мамлекеттик комитетинин (УКМК) жетекчисинин мурдагы биринчи орун басары Марат Иманкулов президенттикке талапкерлигин көрсөтүү үчүн Борбордук шайлоо комиссиясына (БШК) арыз берди.
Анда 57 жаштагы Иманкулов учурда пенсионер экенин көрсөткөн. Учурунда бир катар аскерий кызматтарда иштеген. Андан тышкары, Кыргызстандын коопсуздук кеңешинин катчысы да болгон. КМШга мүчө мамлекеттердин терроризмге каршы күрөшүү борборунун жетекчи орун басары да болуп иштеген.
Генерал-майор аскердик чини бар.
Ошентип өлкө башчысы болом деп талапкерлигин көрсөткөндөрдүн саны 52 кишиге жетти.
Алар: Адахан Мадумаров, Азимбек Бекназаров, Анвар Сартаев, Арсланбек Малиев, Арстанбек Абдылдаев, Бакыт Дегенбаев, Бакыт Төрөбаев, Дамира Токтосунова, Замира Муратбекова, Игорь Трофимов, Камилла Шаршекеева, Кубан Чороев, Куттубек Бешбаков, Максатбек Жумабеков, Марта Кыдыралиева, Мирлан Шерикула уулу, Мукар Чолпонбаев, Назарбек Нышанов, Нусрет-Оглы Мамедов, Өмүрбек Бабанов, Өмүрбек Текебаев, Рита Карасартова, Руслан Жунусов, Садыр Жапаров, Сагынбек Абдрахманов, Сайнидин Султанидинов, Санжарбек Энназаров, Сооронбай Жээнбеков, Таалат Масадыков, Темир Сариев, Токтобүбү Таласбаева, Токтайым Үмөталиева, Турсунбай Бакир уулу, Турсунбек Акун, Алмазбек Каримов, Улукбек Кочкоров, Ахматбек Келдибеков, Камчыбек Ташиев, Исхак Масалиев, Калмамат Мактымбаев, Темирбек Асанбеков, Казыбек Шайымбетов, Канат Исаев, Турат Акимов, Муканбай Айманбаев, Эрнис Зарлыков, Темиркул Өмүралиев, Акбаралы Айтикеев, Талгатбек Кожогулов, Полотбек Кенжекулов, Акылбек Мансуров жана Марат Иманкулов.
Президенттик шайлоо 15-октябрда өтөт.
