БИШКЕК, 29-июл. — Sputnik. Ички иштер министрлиги 20-июлда Таш-Көмүр шаарында сегиз адамдын өмүрүн алган окуяга күбө болгондорго кайрылуу жасады. Бул туурасында аталган министрликтин маалымат кызматынан кабарлашты.
Эске салсак, Бишкек — Ош унаа жолунун 460-чакырымында болжол менен таңкы саат 6.00дө жүк ташуучу МАN унаасы менен Honda Stepwgn жана Honda Odyssey унаалары кагышып сегиз адам каза болгон. Алардын бешөө эркек, экөө аял жана бирөө беш жашар кыз экени аныкталды.
"20-июлда болгон кырсык боюнча кимде-кимдин маалыматы болсо, бизге кайрылып, жардам берүүңүздөрдү өтүнөбүз", — деп жазылган кайрылууда.
Министрлик кайрылуу үчүн (0312) 266147, 266103, 0700 670010, 630901, 630750, 630385 телефон номерлерин жазган.
