БИШКЕК, 19-июл. — Sputnik. Японияда күндүн ысыгын көтөрө албай бир аптада алты адам көз жуумп, жети миңден ашуун киши ооруканага түшүп калды. Бул туурасында РИА Новости жазды.
Бул адаттагыдан 1,8 эсе жогору көрүнүш. Ооруканага жеткирилгендердин айрымдары бир нече жумага калтырылса, 2,5 миң киши бир нече күнгө жаткырылган.
Аптаптан азап чеккендердин жарымына жакыны 65 жаштан ашкан адамдар экени айтылды.
Өткөн аптада Япония боюнча ысык 35 градуска жетип, күн чыгыш өлкөсүнүн жарандары бир топ жабыркаган.
