БИШКЕК, 13-июл. — Sputnik. Улуттук коопсуздук боюнча мамлекеттик комитети эл аралык террордук уюмдун 23 жаштагы мүчөсүн кармады. Бул тууралуу мекеменин маалымат кызматынан билдиришти.
"Н.С. аттуу жаран 2015-жылы чет өлкөдө болгон мезгилде эл аралык террордук уюмдун эмиссарынын үгүтү менен Сирия-Ирактагы чыр-чатак аймагына жиберилген. Ал жакта күжүрмөн даярдыктан өткөндөн кийин террордук жашыруун уюм түзүү максатында Кыргызстанга жөнөтүлгөн", — деп айтылат маалыматта.
Ага карата Кылмыш-жаза кодексинин 375-беренесинде (жалданмачылык) каралган кылмыш белгилеринин негизинде иши козголду
Кармалган киши УКМКнын убактылуу кармоо жайына киргизилди.
УКМК тергөө амалдары жүрүп жаткандыгын айтты.
