Усубалиева: эхинококкоз илдетинен жаш балдар жабыркап жатат
Эхинококкоз илдетинен жаш балдар жабыркап жатат. Бул тууралуу Ооруларды алдын алуу жана мамсанэпид көзөмөл департаментинин врач паразитологу Жумагүл Усубалиева Sputnik Кыргызстан радиосуна маек куруп жатып билдирди.
Анын айтымында, эхинококкоз илдети операция жолу менен дарыланат.
"Эхинококкоз оорусу акыркы жылдары актуалдуу көйгөйгө айланды. Азыркы күндө миңдеген адамдар операция кылууга мажбур болуп жатат. Алардын арсында 14 жашка чейинки балдар бар", — деди Усубалиева.
Адис мал сойгондо эттин оорулуу жерин итке берип коюу туура эмес экенин, илдет иттен адамга жугаарын кошумчалады.
