БИШКЕК, 12-июл. — Sputnik. Бишкекте оңдотулган үч көчө автотранспорт үчүн ачылды. Бул тууралуу мэриянын маалымат кызматынан кабарлашты.
Ремонт иштери Фатьянованын Горькийден Лев Толстойго чейинки бөлүгүндө жасалып, 1400 чарчы метрлик жерге унаа токтотуучу аянт курулду. Мындан тышкары, тротуарлар менен ирригациялык системалар жакшыртылган.
Ошондой эле Саадаев көчөсүнүн Мессарошадан Кеминге чейинки бөлүгү оңдотулган. Муну менен катар Талды-Суу көчөсүнүн Патриса Лумумбыдан Буурдинский көчөсүнө чейинки бөлүгүндө дагы оңдоо иштери аяктап, жол ачылды.
Үстүбүздөгү жыл ичинде муниципалдык ишканалар 51 көчөнү оңдоону пландап жатат.
