БИШКЕК, 12-июл. — Sputnik. Бейшемби күнү туруксуз аба ырайы күтүлүп, жаан жаайт. Бул тууралуу Кыргызгидромет билдирди.
Кээ бир райондордо батыштан соккон шамалдын ылдамдыгы секундасына 18-23 метрге чейин жетиши күтүлөт. Абанын күндүзгү температурасы төмөндөйт.
Мындай туруксуз аба ырайы автоунаа, энергетика жана коммуналдык кызматтардын ишин кыйындатат.
Чүй менен Талас өрөөнүндө 21…26 градус, Ош, Жалал-Абад жана Баткенде 24…29 градус, Ысык-Көл, Нарын облустарында 22…27 градус ысык болот.
Бишкек шаары менен Ош калаасында жамгыр себелеп, күн 28-29 градус ысыйт.
