БИШКЕК, 5-июл. — Sputnik. АКШнын Кыргызстандагы элчиси Шейла Гуолтни Америкага кайтат. Бул тууралуу ал АКШнын көз карандысыз күнүнүн урматына өткөрүлгөн салтанатта айтканы элчиликтин сайтына жарыяланды.
Шейла Гуолтни 2015-жылдын сентябрынан тарта элчилик кызматты аркалап келген. Мекеменин өкүлдөрү элчи менен коштошуп, аны сагынарын билдиришти.
"Өз өлкөмө 33 жыл кызмат кылдым, анын көпчүлүк бөлүгү чет жакта өттү. Эми мен Калифорния штатындагы өз үй-бүлөмө кайтууну чечтим. Кыргызстанда АКШнын элчиси болуп иштөө мен үчүн чоң сыймык. Үй-бүлөгө болгон сүйүү кыргыздар үчүн да, америкалыктар үчүн да абдан маанилүү. Андыктан менин эмнеге кайтып жатканым туура кабыл алынат деп ишенем", — деди элчи.
АКШнын Кыргызстандагы элчилиги жаңы элчи болуп ким келери азырынча белгисиз экенин кошумчалашты.
