Усупбеков: Бишкекке стадион жана спорттук комплекс куруу аракеттери жүрүүдө
Бишкек шаарында стадион жана спорттук комплекс курулат. Бул тууралуу Бишкек шаардык спорт башкармалыгынын башчысынын орун басары Мурат Усупбеков билдирди.
Анын айтымында, жаңы спорттук жайларды салуу үчүн жеке ишкерлер менен сүйлөшүүлөр жүргүзүлүүдө.
"Асанбай" кичи районунда спорттук комплекс куруу маселеси буга чейин каралган. Анын негизинде долбоор даярдалып, мэрияга жиберилген. Андан сырткары, өлкөдөгү ири ишканалар менен биргеликте стадион жана спорттук комплекс куруп берүү үчүн аракеттер жүрүп жатат", — деди Усупбеков.
Ошондой эле ал акыркы жылдары борбор калаада 20дан ашык спорттук аянтчалар колдонууга берилгендигин кошумчалады.
