Атайын комиссия республика боюнча 2009-жылдын 31-июлуна чейин салынган үйлөрдү тактаганын Экологиялык жана техникалык коопсуздук мамлекеттик инспекциясынын Жерди пайдалануу, коргоо жана көзөмөлдөө бөлүмүнүн башчысы Айнура Кенжебаева билдирди.
"Комиссия 2014-жылы түзүлүп өлкө аймагы боюнча өз ишин баштап, жер тилкелеринин ээлерин жана ал жерлерде курулган турак жайлардын санын тактап чыккан. Ал иштерге өкмөттүн облустардагы өкүлдөрү жана акимдин орун басарлары, айыл өкмөт башчылары катышкан. Жыйынтыгында реестр түзүлүп, Жогорку Кеңешке сунушталып үчүнчү окууда кабыл алынды", — деди Кенжебаева.
Мындай аракеттердин аркасында жер кодексине өзгөртүү киргизүү боюнча мыйзамы Жогорку Кеңеште үчүнчү окууда кабыл алынып, президентке кол коюуга жиберилди.
Трансформациялана турган жердин 11 683 гектары мамлекетке караса, 2286 гектары жеке менчик.
