Иш берүүчүлөрдүн маалыматына ылайык, учурда Бишкек шаарында жеңил өнөр-жай ишканалары жаш жумушчу күчкө муктаж. Мындан тышкары, туристтик сезондун ачылышы менен жайкы эс алуу жайларында жумуш орундары пайда болду. Мунун аркасында жаштар борбор калаадагы кафе, ресторандан тарта Ысык-Көлдөгү пансионаттарда официант, бармен, гид болуп акча таба алышат.
Жумуш берүүчүлөрдүн арасында кызматкерлерди турак-жай, тамак-аш менен камсыздагандары да бар. Ошондой эле айрым иш берүүчүлөр чет тил билген студенттерге артыкчылык берет.
