Тургунбаева: Кыргызстанда ыктыярчылардын борборун түзүү керек
Кыргызстанда ыктыярчылардын борборун түзүү керек. Бул туурасында ыктыярчы Айгерим Турганбаева Sputnik Кыргызстан радиосуна маек куруп жатып билдирди.
Анын айтымында, өнүккөн өлкөлөрдө ыктыярчылардын борборлору бар.
"Кыргызстанда ыктыярчылардын бир жерген топтогон уюм же борбор жок. Башка өнүккөн өлкөлөрдө атайын борборлор бар. Алар ыктыярчылардын башын бириктирип, атайын окуудан өткөрүп турушат. Андыктан бизге ушундай борбор керек", — деди Тургунбаева.
Ал Дүйнөлүк көчмөндөр оюндарында студенттерди ишке тартуудан көйгөйлөр жаралганын, эгерде борбор болсо даяр ыктыярчыларды колдонсо болоорун кошумчалады.
