БИШКЕК, 21-июн. — Sputnik. "ТурСтат" аналитикалык агенттиги КМШ өлкөлөрүнүн ичинен жай айында саякатка барууга ыңгайлуу, эл арасында кызыгууну жараткан шаарлардын рейтингин чыгарды.
Маалыматка ылайык, КМШнын Казакстандын, Азербайжадынн, Белоруссиянын, Армениянын жана Өзбекстандын борбор шаарлары туристтерди өзүнө көбүрөөк тартып тураары аныкталган.
Анын ичинен саякатчылар эң арзан баага эс алган калаа — Бишкек менен Ашхабад, ал эми баасы асманды чапчыгандары — Астана жана Баку деп табылган.
Рейтинг турлардын сунушу жана майманкалардын онлайн брондолушуна анализ жасоо менен түзүлгөн.
"ТурСтаттын" маалыматы боюнча жай мезгилинде Бишкектеги мейманкалардан орун алган туристтер бир суткасына орточо эсеп 32 доллар төлөшөт. Ошондой эле Бишкекке сапар алган туристтердин басымдуу бөлүгү Ысык-Көлдө сезон ачылгандан тарта келери аныкталган.
