БИШКЕК, 18-июн. — Sputnik. Бүгүн Россияда Конфедерация кубогунун алкагында Мексика менен Португалиянын футбол курама командалары беттешет.
17 Кулжа 2017, 11:05
Оюн 18-июнда Бишкек убактысы боюнча 21.00дө "Казань-Арена" стадионунда башталат. Анда белгилүү футбол жылдыздары португалиялык Криштиану Роналду менен мексикалык Чичаритонун оюн талаасында беттешүүсү күтүлүүдө.
Турнирдин алгачкы беттеши ишемби күнү болгон. Анда россиялыктар жаңызеландиялыктарды 2:0 эсебинде уткан.
Конфедерация кубогу Москва, Санкт-Петербург, Казань жана Сочи шаарларында 17-июндан 2-июлга чейин өткөрүлөт. "А" тайпасында Россия, Жаңы Зеландия, Мексика, Португалия курама командалары ойносо, "В" тайпасында Германия, Чили, Австралия жана Камерун бар.
