БИШКЕК, 14-июн. — Sputnik. Бишкектеги "Таатан" соода борбору курчоого алынганын күбө Sputnik Кыргызстан агенттигинин WhatsApp номери аркылуу билдирди.
Анын айтымында, милиционерлер соодагерлер менен сатып алуучуларды сыртка чыгарган.
Шаардык милиция бул маалыматты тастыктады.
"Саат 13:45те Свердлов РИИБине соода борборунан шектүү баштык табылганы тууралуу маалымат келип түшкөн. Милиция окуя болгон жерге барып, аймакты курчоого алган. Андан соң "Таатан" соода борборуна УКМКнын кызматкерлери келишкен. Кийинчерээк ал баштык жөн гана муляж экени билинип, курчоо чечилди", — деп маалымат кызматы билдирди.
Муляж Улуттук коопсуздук боюнча мамлекеттик комитеттин кызматкерлерине берилген.
Эгер кандайдыр бир окуяларга күбө болуп, сүрөт, видео тартсаңыз Sputnik Кыргызстан агенттигинин 0706 566 544 WhatsApp номери аркылуу билдириңиз.
