Чехия Кыргызстандын энергетикалык долбоорлоруна кызыгууда

© Пресс-служба президента КР / Султан ДосалиевРабочий визит президента КР Алмазбека Атамбаева в Астану
Рабочий визит президента КР Алмазбека Атамбаева в Астану - Sputnik Кыргызстан
Жазылуу
Президент Алмазбек Атамбаев Астана шаарына болгон иш сапарынын алкагында Чехия лидери Милош Земан менен жолугушту.

БИШКЕК, 10-июн. — Sputnik. Президент Алмазбек Атамбаев ишемби күнү Чехиянын өлкө башчысы Милош Земан менен жолуккандыгын президенттин маалымат кызматынан билдиришти.

Жолугушуу маалында саясий, соода-экономикалык жана маданий-гуманитардык тармактарда кызматашуу боюнча талкуу болду.

Ошондой эле өлкө башчыларынын ортосунда ар тараптан кызматташуу, Кыргызстанга Чехия мамлекетинен инвестиция тартуу боюнча сүйлөшүүлөр болгону кошумчаланды.

Рабочий визит президента РФ В. Путина в Казахстан. День второй - Sputnik Кыргызстан
Атамбаев ШКУ банкын түзүүнү жана анын Бишкекте жайгашуусун талап кылды
Земандын айтымында, Чехия Кыргызстандагы энергетикалык долбоорлорду ишке ашырууга кызыкдар.

Атамбаев өз кезегинде чех элинин Кыргызстанга өткөн кылымдын 30-жылдардагы жардамы үчүн ыраазылылык билдирип, бул кадам ата мекендик өндүрүштүн калыптануусуна салым кошкондугун белгиледи.

Президент Астана шаарына болгон иш сапарынан кийин өлкөгө кайтып келди.

Атамбаев ал жакта ШКУ саммитине катышып, өзбек президенти Шавкат Мирзиеев менен жолугушуу өткөрдү.

Ошондой эле "ЭКСПО-2017" эл аралык көргөзмөсүнүн ачылыш салтанатына катышты.

Жаңылыктар түрмөгү
0