БИШКЕК, 26-май — Sputnik. Соңку беш айда Википедиянын кыргызча баракчасына кыргыз тилинде жайгаштырылган макалалардын саны 9 миңге чейин өскөнү интернет-энциклопедиянын башкы бетинде айтылат.
Өткөн жылдын 21-декабрында кыргыз тилинде чыккан макалалардын саны 60 034кө жеткен, ал эми үстүбүздөгү жылдын 25-майына карата 69 091ге чейин өскөн. Макалалардын басымдуу бөлүгү Манас жана Айтматов жөнүндө.
Википедия 2010-жылдан тарта кыргыз тилиндеги макалалар менен жигердүү толуктала баштаган. Алгач болгону эки миң макала катталса, 2012-жылдын аягында алардын саны 21 миңге чукулдап барган. Ал эми 2015-жылдын башында 27 миң, соңунда 53 миң макала жайгаштырылган.
