БИШКЕК, 26-май — Sputnik. Москвада "Ислам мамлекетти" террордук уюмунун согушкерлери кармалды. Алар коомдук транспортторду жардырууга камынып жатышкан. Бул тууралуу РИА Новости ФСБга шилтеме берүү менен жазып чыкты.
Жалпы төрт адам кармалган. Алар Россия менен Борбор Азиянын жарандары экени айтылууда.
Издөө учурунда күч кызматкерлери жардыруучу каражаттарды даярдоочу лаборатория табышкан. Мындан тышкары, колго жасалган бомба, курал, экстремисттик жана террордук багыттагы адабияттар менен видео жазылмалар алынган.
ФСБ шектүү адамдарды Сириядагы согушкерлер башкарып турганын маалымдады.
Учурда аларга карата кылмыш ишин козгоо боюнча маселе каралып жатышат.
