БИШКЕК, 10-май. — Sputnik. Этил спирти жана алкоголдук продукцияларды өндүрүү жана жүгүртүү мамлекет тарабынан жөнгө салынат. Аталган норманы камтыган мыйзам добоору Жогорку Кеңеште каралып, үчүнчү окууда добуш берүүгө жөнөтүлдү.
Жаңы өзгөртүүлөргө ылайык, этил спиртин жана алкоголдук продукцияларын өндүрүүнү жана жүгүртүүнү көзөмөлдөгөн атайын бирдиктүү мамлекеттик тутумду түзүү чарасы сунушталууда.
Демилгечилердин айтымында, бирдиктүү тутум аткезчиликке бөгөт коюп, бюджеттик кирешелердин көбөйүшүн шарттайт.
Эл өкүлдөрү учурда көмүскө алкоголдук продуктарды өндүргөндөрдүн саны өтө арбын экендигин белгилешти.
