БИШКЕК, 3-май. — Sputnik. Кечээтен бери өлкө боюнча биометрикалык паспорт алууга 4 миң 556 анкета берилгендигин Мамлекеттик каттоо кызматы билдирди.
Адамдын тек-жайын тастыктоочу жаңы документ 1-майдан тарта бериле баштаган.
Идентификациялык картада көзү начар көргөндөр үчүн Брайль шрифти менен текст берилет.
Кыргызстандын жарандары биометрикалык электрондук паспортторду 1-майдан 31-декабрга чейин акысыз алса болот.
Мамкаттоо кызматынын билдиргенине караганда, жаңы паспорт алууну каалоочулардын саны көп болгондуктан, Калкты тейлөө борборлорунун иш күнү убактылуу саат 19:00гө чейин узартылды.
"Биринчи эле күнү республика боюнча жаңы паспорт алгысы келгендердин саны адаттагыдан көп болду. 1498 адамды эле Бишкек шаарындагы Калкты тейлөө борборлору кабыл алды", — деп айтылат билдирүүдө.
Жалпысынан өлкө оюнча 2-майдан тарта жаңы паспортко 4556 жаран анкета толтурду.
Ошондой эле Мамкаттоо кызматы бир дагы жаран паспортун алмаштырууга мажбурланбашы керектигин эскертти.
