Эски паспортун алмаштыра албай калгандар эмне кылат? МКК түшүндүрмө берет

© Sputnik / Валерий Мельников / Медиабанкка өтүү1994-жылкы паспорт. Архив
1994-жылкы паспорт. Архив - Sputnik Кыргызстан
Жазылуу
Үстүбүздөгү жылдын 1-апрелинен тарта 1994-жылкы паспорттор жокко чыгарылды.

БИШКЕК, 10-апр. — Sputnik. Үч миңге чукул кыргызстандык 1994-жылкы паспортун ID-картага алмаштырууга үлгүрбөй калышты. Бул тууралуу Sputnik Кыргызстан агенттигине Мамлекеттик каттоо кызматынан билдиришти.

Белгилей кетсек, үстүбүздөгү жылдын 1-апрелинен тарта 1994-жылкы паспорттор жокко чыгарылды. Ага ылайык, эски паспорттор эми жараксыз болуп калды.

"Паспортторун алмаштыра албай калгандар жакынкы паспорт столдордон ID-картага алмаштырып алса болот. Ал үчүн тийиштүү документтерди өткөрүшү зарыл. 60 жаштан ашкандарга мурункудай эле кызмат акысыз көрсөтүлөт", — деп жазылат маалыматта.

60 жаштан ашкан жарандар паспортун алмаштыруу үчүн төмөнкү документтери чогултушу керек:

  • эски паспорту;
  • социалдык коргоо күбөлүгү;
  • керек болсо жубайынын же жолдошунун каза болгондугу тууралуу документ.

Кыргыз Республикасынын жаранын паспорту. Архив - Sputnik Кыргызстан
Бир күндүн ичинде жасала турган паспорттун акысы арзандады
Ошентип 1994-жылкы паспортун алмаштыргысы келген 60 жаштан ашкандар алты документти чогултуудан бошотулду. Жашаган жеринен справканы жана паспортко керектелчү сүрөттү паспорт столдон алууга мүмкүн. ID-карта 16 күндө даяр болот.

Паспорт столго келе албаган жарандар Бишкек жана Ош шаарларында мобилдүү топту үйүнө чакырса болот. Бирок акысыз мобилдүү топко кезекке тургандар көп. Каалоочулар 1200 сом төлөп, акы үчүн иштеген топторду чакыра алат болот.

Жаңылыктар түрмөгү
0