БИШКЕК, 2-май. — Sputnik. Бишкекте өткөн семинарда америкалык адистер кыргызстандык окуучуларды чет өлкөлүк окуу жайларга өтүүгө даярдаарын иш-чаранын уюштуруучулары билдирди.
Кыргызстандын 50 окуучусуна АКШлык адистер кеңеш беришет. Кабыл алуу комиссиясынын төрагасы дүйнө өлкөлөрүнүн мектеп окуучулары менен иштөө боюнча 30 жылдан ашык тажрыйбасы бар Lafayette колледжинин директору Южин Габай. Экинчи адис — АКШнын колледждерине окуу үчүн финансылык жардам алууга көмөк көрсөтүү боюнча 10 жылдык тажрыйбасы бар Жоан Люи.
Уюштуруучулар семинарга катышуу үчүн бүтүрүүчү класстардын окуучулары тандалып, бул жерде алардын окуудагы жетишкендиги жана англис тилин билүүсү эске алынгандыгын билдиришти.
"Семинарда окуучулар эссе жазууну үйрөнүп, окуу жайды туура тандоо, билим алуу үчүн финансылык колдоо издөө боюнча кеңештер беришет", — деп айтылат билдирүүдө.
Иш-чаранын уюштуруучулары — "Kyrgyz Leaders Academy" коомдук фонду менен "Сорос-Кыргызстан" фонду.
