БИШКЕК, 27-апр. — Sputnik. Татымаларды өзүнүн өзгөчө ыкмасы менен сээп дүйнөгө атагы чыккан түрк ашпозчусу Нусрет Гөкче пиары үчүн эки миллион доллар төлөгөн. Бул тууралуу Sputnik Түркия агенттиги жазып чыкты.
Маалыматка ылайык, Гөкче атактуу болуу үчүн америкалык PR-агенттик менен келишим түзгөн.
Uçankuş порталынын айтымына караганда бир канча ресторандын ээси жана ашпозчу ар өлкө үчүн масштабдуу PR-кампания жасаган.
Голливуд актеру Леонардо Ди Каприо Нусреттин Дубайдагы ресторанына келиши үчүн жана ашпозчу "Нарко" сериалындагы эпизодго тартылуу үчүн да ири суммадагы каражат төлөгөнү айтылууда.
Нусрет Гөкче даярдап жаткан тамак-ашына татымаларды өзгөчө ыкма менен сээп атагы чыккан. Анын бул ыкмасын белгилүү актер, ырчы, футболчулар кайталап, атагын арттырган.
