Жапаров: айрым ЖМК өкүлдөрү рекетке айланып баратат
Айрым ЖМК өкүлдөрү рекетке айланып баратат. Бул тууралуу "Бир Бол" фракциясынын депутаты Акылбек Жапаров парламентте ЖМКлар тууралуу мыйзам долбоору каралып жатканда билдирди.
Аталган мыйзам долбоору үчүнчү окууда добуш берүүгө жөнөтүлдү.
"Азыр кээ бир массалык маалымат каражаттарынын нускасы миңге жетпейт. Бирок ошону негиздегендер жол тандабас айдап, жыргап жүрөт. Алар бир тыйын салык төлөбөйт. Ошондуктан ЖМКлар менен бизнес кылгандар киреше, чыгашасын ачыкка чыгарышы керек. Ар бир журналист менен жетекчиси элге отчет берсин", — деди депутат.
Эл өкүлү айрым журналисттер рекетке айланды деген пикирин кошумчалады.
