ОШ, 12-апр. — Sputnik. Ош шаарында 19-22-май күндөрү Ахматбек Сүйүнбаев атындагы стадиондо ММА жана панкратион боюнча Азия чемпионаты өтөт. Бул тууралуу аймактык кабарчыга КР ММА жана панкратион федерациясынын президенти Улукбек Өмүрзаков билдирди.
Бул мелдеш ММА жана панкратион федерациясы тарабынан Ош шаардык мэриясынын колдоосу менен уюштурулууда.
Учурда мелдеш өтүүчү стадион Азия чемпионатына ылайыкташтырып даярдалууда. Чемпионатка Афганистан, Кытай, Тайпэй, Индия, Иран, Кыргызстан, Казакстан, Монголия, Сингапур, Түштүк Корея, Тажикстан жана Өзбекстандан спортчулар келет.
Кыргызстандын намысын сегиз спортчу коргойт.
"Мындай чоң спорттук иш-чаранын Ош шаарында өтүшү элибиз үчүн чоң сыймык", — деди Өмүрзаков.
КРдин Панкратион жана ММА федерациясы 2013-жылы түзүлгөн.
