БИШКЕК, 10-апр. — Sputnik. Англиядагы Саут-Шилдс шаарындагы оорукана каза болуп калган бейтаптардын органдарын туугандарынын макулдугусуз алып, аларды "тиешелүү мөөнөтүнөн ашык" сактаган. Бул туурасында РИА Новости Belfast Telegraph басылмасына шилтеме кылып кабарлады.
Гезит адамдардын ткандарынын үлгүлөрү 2015-жылы март айында болгон текшерүүдө чыккандыгын кабарлады. Алар ооруканада "сактала турган мөөнөтүнөн" ашык кармалып тура берген.
Сара Симпсон аттуу жашоочунун айтымында, атасы 1995-жылы каза тапканда денесин кескилебей эле өрттөөгө берилди деген ишенимде болгон. Анткен менен оорукана ал пациентинин органдарын туугандарынын макулдугусуз алып, аны 22 жыл сактаган.
Учурда полиция органдар кимге таандык экендигин билиш үчүн атайын иликтөө жүргүзүп, каза болгондордун органы болушу мүмкүн деген маркумдардын туугандары менен сүйлөшүп жатат.
