БИШКЕК, 10-апр. — Sputnik. Сокулук районундагы РИОМ автобазарынын жанына орнотулган видеокаттоону жүргүзгөн камера жол эрежесин бузган 80 учурду каттаган. Бул туурасында Маалымат технологиялары боюнча башкы башкармалыктын жол коопсуздугун мониторинг кылуу борборунун жетекчиси Талант Садыков билдирди.
Аталган райондогу РИОМ базарына камера мындан бир жыл мурда орнотулган.
"Жабдуу сынап көрүү үчүн коюлган. Анын жардамы менен жол эрежесин бузган 80 миң учур катталып, 10 миллион сом айып пул өндүрүлдү. Бул жалпы сумманын 30 пайызын түзөт. Видеокамера орнотулгандан кийин аталган райондогу жол кырсыктар 50 пайызга азайган", — деп Садыков Sputnik Кыргызстан мультимедиалык борбордогу маалымат жыйында айтты.
Ал жол эрежелерин сактабагандарга айып пул салууда бир топ кыйынчылыктар жаралып жаткандыгын билдирди. Анткени Кыргызстанда автоунааны алып-сатууда жаңы кожоюнга каттабагандык мунун себеби болуп жатканын кошумчалады.
Айып пул салынгандыгы тууралуу билдирме көп учурда автоунаанын акыркы кожоюнуна эмес, транспорт расмий түрдө катталган адамга келип жаткан фактылар жаралууда.
2016-жылы февралджа ИИМ Чүй облусунун Сокулук районундагы чоң жолго видеокамера орноткон. Аппарат жол эрежесин бузган машиналарды каттап, анын айып пулу почта аркылуу автонунаанын ээсинин дарегине барат.
