ДНК экспертизасы терактыга шектелген Жалиловдун өздүгүн ырастады

© Sputnik / Виктория Виатрис / Медиабанкка өтүүВзрыв в метро в Санкт-Петербурге
Взрыв в метро в Санкт-Петербурге - Sputnik Кыргызстан
Жазылуу
Санкт-Петербургда болгон жардырууга шектелип жаткан Акбаржон Жалилов Кыргызстанда төрөлгөнү аныкталган. Анын апасы Петербургдагы Пулково аэропортуна бүгүн конгонун Россия ЖМКлары жазып чыккан.

БИШКЕК, 5-апр. – Sputnik. Санкт-Петербургдагы жардырууга шектелип жаткан Акбаржон Жалиловдун өздүгүн дайындалган ДНК экспертизасы ырастаганын РИА Новости тергөө комитетинин төрайымы Светлана Петренкого шилтеме берүү менен жазып чыкты.

Анын айтымына караганда, жакынкы аралыкта сөөктү таануу процедурасы жүргүзүлөт. Ошондой эле тергөөчүлөр аны менен байланышта болгон адамдарды аныктоо иштерин жүргүзүшөт.

Мындан тышкары, терактыдан курман болгондордун бардыгынын өздүгү аныкталгандыгы айтылды. 

“Каза болгон Мария Невнержицкаянын сөөгү таанылды. Ошондой эле Юлия Красикова менен Дмитрий Мазановдун сөөгүн таануу процесстери жүрдү”, — деди Петренко. 

Санкт-Петербургдагы метродогу жардырууга шектелип жаткан Акбаржон Жалиловдун архивдик сүрөтү (Фотография из аккаунта сети Вконтанте Акбаржона Джалилова 1995 года рождения). - Sputnik Кыргызстан
Терактыга шектүү Акбаржондун мугалими: жакшы окубаса дагы тентек эмес болчу
Эске салсак, 3-апрелде Санкт-Петербургда болгон жардырууга шектелип жаткан Акбаржон Жалилов Кыргызстанда төрөлгөнүн Улуттук коопсуздук комитети ырастаган. Анын жакындары УКМКнын Ош облустук башкармалыгында сурак беришкени дагы маалым болгон. Бүгүн эртең менен шектүүнүн апасы Петербургдагы Пулково аэропортуна конгонун Россия ЖМКлары жазып чыгышты. 

Белгилей кетсек, терактынын айынан 14 киши каза таап, 49 адам ар түрдүү жаракаттарды алган.

Жаңылыктар түрмөгү
0