БИШКЕК, 5-апр. — Sputnik. Аялдардын жашы өткөн сайын эмне үчүн алардын боюна бүтүүдө бир топ кыйынчылыктар жараларын РИА Новости агенттиги Current Biology журналына таянуу менен жазып чыкты.
Маалыматка ылайык, аялдардын жашы өткөн сайын алардын жумуртка клеткаларынын хромосомду бөлүп алуу жөндөмдүүлүгү азаят. Улуу жаштагы аялдардын жумурткалары хромосомду бөлүүдө бардыгы бирдей эмес, ар бири ар тарапка тартып иштеп калат. Андыктан аларда боюна бүтүүдө көйгөйлөр келип чыгат.
Канаданын Монреаль университетинин окумуштуусу Грег Фиц-Харрис жана кесиптеши Шома Накагава орто куракка чыгып калганда боюнда болгон аялдардан көбүнчө Даун синдрому жана башка оорулар менен жабыр тарткан балдар салыштырмалуу көп төрөлөрүн аныкташкан.
