БИШКЕК, 4-апр. — Sputnik. Мас абалында ок аткан борбор калаанын ички иштер башкармалыгынын тергөө бөлүмүнүн кызматкери жумушунан бошотулду. Бул тууралуу Бишкек ШИИБ маалымат кызматы билдирди.
31 Жалган Куран 2017, 13:25
Эскерте кетсек, 2-апрел күнү таңкы саат 04:30дар чамасында ШИИБдин нөөмөт бөлүмүнө 7-кичирайондогу "Космопарк" оюн-зоок борборунун жанында белгисиз адамдар тапанчадан ок чыгарып, андан соң унаа менен из жашырып кетишкендиги тууралуу маалымат келип түшкөн.
Башкы башкармалык унааны токтоткондо айдоочу Бишкек ШИИБ тергөө бөлүмүнүн кызматкери болуп чыккан.
Милиция кызматкери өз эрки менен Макаров үлгүсүндөгү травматикалык тапанчаны тапшырып, ал спирт ичимдигин ичкени аныкталган.
"Учурда ШИИБдин коопсуздук кызматы тарабынан териштирүү иштери жүрүп жатат. Окуяга кириптер болгон кызматкерди башкармалыктын жетекчилиги аны жумуштан алууну чечти", — деп жазылат маалыматта.
Чогултулган материалдардын бардыгы юридикалык баа берүү үчүн тергөө органдарына жөнөтүлдү.
