БИШКЕК, 16-мар. — Sputnik. Казакстандагы БТА Банктын мурдагы жетекчиси Мухтар Аблязов жана анын жардамчылдарына козголгон кылмыш иши боюнча алгачкы соттук угуулар райондор аралык соттунда 17-мартта каралат. Бул тууралуу РИА Новости агенттиги шаардык соттун маалымат кызматына шилтеме берүү менен билдирди.
Аблязов кылмыштуу топ түзүп, банктан уурдалган каражаттарын адалдоого жана кызматтык абалынан кыянаттык менен пайдаланган деп шектелүүдө. Казакстандын жемкорлукка каршы күрөшүү боюнча улуттук бюросунун маалыматы боюнча келтирилген зыяндын жалпы суммасы 7,5 миллиард доллардан ашкан.
"17-мартта Аблязов жана анын жардамчыларына карата алдын ала соттук угуу өтөт", — деп жазылат маалыматта.
Эске сала кетсек, февраль айында Коррупцияга каршы күрөшүү кызматы Аблязовго жана анын жардамчыларына козголгон кылмыш иши боюнча жаңы далилдер бар экенин айтып, ушуга байланыштуу алар суракка чакырылган.
Экс-банкирге алдамчылык, көз боёмочулук, кызматынан кыянаттык менен пайдалануу делген бир катар айыптар тагылган.
Аблязовго каршы иш 2009-жылы кылмыш козголгон.
Белгилей кетсек, Аблязов 2005-жылы Кыргызстанда болгон революцияларды каржылаганын Франциянын Liberation басылмасына берген маегинде маалымдаган.
