БИШКЕК, 12-мар. — Sputnik. Кытайда окумуштуулар таш сымал катып калган балыктын сөөгүн тапты. Бул туурасында Синьхуа маалымат агенттиги кабарлады.
Биздин планетада балыктар 444-419 миллион жыл мурда эле жашагандыгын жакында Кытайдын Илимдер академиясынын окумуштуулары балыктын таш сымал катып калган сөөктөрүн таап алганда айтышты. Бул баалуу тарыхый табылга Кытайдын Юньнань провинциясындагы Цюйцзин шаарында катталды.
Аталган академиянын ага илимий кызматкери Чжу Минь сөөктөрдү изилдей келгенде балыктын узундугу 20 сантиметрге жакын болуп, териси өзгөчө кабырчыктар менен капталган. Алар тыкыс жана катуу келип, ромб түрүндө териге катуу жармашып тургандыктан, байыркы баатырлардын соотторун элестетет дешти окумуштуулар.
Чжу Минь илимде мурда балыктын мындай түрү туурасында маалыматтар жок болгондугун айтты.
Жаңы табылга туурасындагы маалымат эл аралык деңгээлдеги Public Library of Science ONE журналына жарыяланган.
