БИШКЕК, 11-март. — Sputnik. Кыргызстандык стендап-артист Нурсултан Айдаров Россиянын ТНТ телеканалындагы Comedy Баттл долбоорунун жаңы сезонуна катышат. Бул туурасында Sputnik Кыргызстан агенттигинин кабарчысына "Жарайт сити" долбоорунун резиденти Элдияр Ешимбеков маалымады.
Ал билдиргендей, Бишкекте өткөн аптада ТНТ телеканалынын өкүлдөрү таланттарга "Открытый микрофон" жана Comedy Баттл долбооруна катышуу үчүн кастинг өткөргөн.
"Нурсултан Айдаров жаңы сезонго катышат. Ал эми кара-балталык стендапер Анзор Борзаев анын жол акысын төлөп бермей болду. Эгер ал юмор фестивалында мыкты тамашаларды көрсөтө алса, анда "Открытый микрофон" берүүсүнө катышууга мүмкүнчүлүк түзүлөт", — деди Ешимбеков.
Кастингге 40га чукул адам катышып күч сынашкан.
