БИШКЕК, 3-мар. — Sputnik. Президент Алмазбек Атамбаевдин кызы Алия Шагиева кош бойлуу сүрөтүн социалдык тармактагы баракчаларына жарыялады.
Эскерте кетсек, сентябрь айында турмушка чыкканын, жолдошунун аты Костя экенин Шагиева соцтармакка сүрөт жарыялоо менен айткан.
Өлкө башчынын кызы соцтармакка сүрөтүн жайгаштыруу менен көз жарар маалы келип калганын белгилеген.
Алия Шагиева бир жыл мурун өзү тарткан сүрөттөрүн сатуудан түшкөн 200 миң сомду кайрымдуулук иретинде балдар үйүнө которуп, коомчулукка аты угулган.
