БИШКЕК, 3-сен. — Sputnik. Президент Алмазбек Атамбаевдин кызы Алия Шагиева турмушка чыккандыгын билдирип, жолдошу менен түшкөн сүрөттөрүн өзүнүн Facebook баракчасына жарыялады.
Шагиева аны "Костя" деп атап, төрт жылдан бери сүйлөшүп жүрүшкөнүн билдирген.
"Мен негизи жуптардын эзилишип түшкөн сүрөттөрүн көп жактыра бербейм. Ошон үчүн Костя экөөбүздүн сүрөтүбүздү төрт жыл бою эч жерге чыгарган эмесмин. Бирок бүгүн ушундай жакшы күн болду. Биз эми бир үй-бүлө, жубайларбыз. Куттуктоолорду кабыл алууга даярмын", — деп жазат Шагиева.
Президенттин акыркы убакта сүрөт тартып, кайрымдуулук иштерди жасап белгилүү болгон кызы Алия Шагиева 19 жашта.
