БИШКЕК, 22-фев. — Sputnik. Интерпол аркылуу эл аралык издөөдө жүргөн Израилдин жараны Бишкектен кармалды. Бул тууралуу ИИМдин маалымат кызматы билдирди.
17-февралда ыкчам иликтөө аракеттеринин жүрүшүндө Бишкек шаарындагы Токтогул жана Калык Акиев көчөлөрүнүн кесилишинде Израилдин 60 жаштагы жараны кармалган.
Маалыматка ылайык, ал Казакстанда туулуп, Интерполдун Казакстандагы өкүлчүлүгү аркылуу алдамчылыкка шектелип издөөгө алынган.
Кармалган жаранды Бишкек шаарындагы Свердлов райондук соту эки айга камоо чечимин чыгарды. ИИМдин маалымат кызматы эми аны Казакстанга экстрадициялоо боюнча аракеттер көрүлөрүн кошумчалады.
