БИШКЕК, 30-янв. — Sputnik. Мектеп директорлоруна окуучуларды сабактан мыйзамсыз бошотууга тыюу салынды. Бул тууралуу Билим берүү жана илим министрлиги билдирди.
Жаңы тартипке ылайык, мугалимдер сабак учурунда окуучуларды кароосуз калтурууга да болбойт. Мындан сырткары, окуучуларды нөөмөткө чыгарууга, мектептин аймагын тазалатууга жана класстан тышкаркы иштерге алып барууга болбойт. Окуучулардын сабакка кечигип жана формасыз келгендиги үчүн киргизбей коюуга тыюу салынат.
Ошондой эле эгер окуучу сабак учурунда ооруп калса классты нөөмөттө турган администраторго таштап кетиши керек. Эгер мугалимдин жардамы өтө зарыл болбосо ооруп калган бала нөөмөттө турган администратордун коштоосунда тийиштүү жардамдар көрсөтүлөт.
Билим берүү министрлиги андан сырткары окуу-тарбия берүү иштери мыйзамдын негизинде, демократиялык жолдо, балынын кызыкчылыгын жана укугун көздөгөн тартипте болушу керектигин белгилейт.
