"Өз мезгилинде эмгектенип, чыгармачылыкты терең баалаган адамдарды эстеп турбаса унулутуп калат " деген талантуу инсан менен журналист Гүлдана Талантбекова маектешти.
Туулган күн мен үчүн…
Жашым өтүп баратат деп кейибейм. Сүйгөн музыкамдын, жаркылдаган үй-бүлөм, жакындарым, туугандарымдын курчоосундамын. Менимче ар бир адам сүйгөн кесибин тапканда гана жашы тууралуу ойлобой, тескерисинче, майын чыгара иштеп калайын деп тырышса керек.
Тост айтып жатса, мас болуп уктап калып…
— 2003-жылы Андрей Энгелман деген кыргыз жараны, талантуу сүрөтчү туулган күнүмдө бир тасмасын белекке берген. Жыл сайын ошону көрүп терең философиялык ойго сүңгүйм. Каалоо-тилектин да мазмунуна өтө терең маани берем, үйгө барып кечке ойлоном.
2012-жылы баягы видеофильмди көрүп, ар ким келип каалоо-тилегин айтып жатса бир куюмдан ичип жатып мас болуп диванга жатып калыптырмын. Кийин досторум видего тартып алып шылдыңдап жүрдү. Айтор, башыбыздан далай кызыктар өттү.
Асанкалый Керимбаев тер төгүп ырдаганда таң калгам
Учурдагы кыргыз эстрадасы тууралуу
— Азыркы клиптерди үлпөт тоюна тарткан сүйүү окуясындай эле элестетем. Кооз жерлерди, жалтырак кийимдерди, укмуш машинелерди тартканга аракет кылышат. Ар бир ырдын мазмунун чагылдыруу керек деп ойлойм.
Таланттар абдан көп, чыгармаларын угуп жөрүбүз. Бирок жаш ырчыларга билим керек. Музыкалык билим бул — чыгармачылыкты кеңейтет, билим менен адам өсөт. Ырдын текстин жакшылап тандап, обонун издеп ыры менен айкалыштырганда гана мыкты чыгармалар жаралат. Керек болсо бир чыгарманын аркасы менен адамдын оюн өзгөртүп койсо болот. Жеңил ырлар менен кыргыз эстрадасынын деңгээлин көтөрүү кыйын. Түшүнөм, артисттер той менен жан багып жатышат, концерт койсо эмгек акталбайт. Бирок тойдо деле мазмундуу ырларды ырдаса эмнеге болбосун?
Үй-бүлө тууралуу
9-май — атамдын туулган күнү, ал киши токсонго чыгып кайтыш болгон. Жыл сайын бул күнү атамдын үйүнө, тагыраагы мен жашаган үйдө туугандар чогулуп жакшы күндөрдү эстеп, майрамдайбыз.
