БИШКЕК, 24-янв. — Sputnik. Ош облусунун Кара-Суу районунун Жаңы-Кыштак айылынын борбордук көчөсүндө жайгашкан 40тан ашуун мыйзамсыз курулуш буздурулду. Бул тууралуу Мамэкотехинспекциянын маалымат кызматынан кабарлашты.
Билдирүүгө караганда, аталган айылдын Жунусов көчөсүндө 72 объект мыйзамсыз курулуп кеткен. Жарандар үйлөрүнүн алдына башаламан курулуштарды орнотуп, соода жүргүзгөн. Натыйжада унаа тыгындары көбөйүп, жөө жүргүнчүлөргө да ыңгайсыздыктар жаралган.
Учурда Мамэкотехинспекциянын адистеринин жардамы менен 40тан ашуун курулуш буздурулуп, калган объектилерди дагы бузуу боюнча иштер жүрүп жатат.
