БИШКЕК, 18-янв. — Sputnik. Washington Times басылмасынын журналисттери Дональд Трамптын инаугурациясына арналган салтанатта нааразычылык акцияларына катышып берүү үчүн акча төлөп берээрин айтып, чакырык кылып жаткан жарнаманы таап алышканы тууралуу РИА Новости жазды.
Маалыматка караганда, каршылык акциясына катышкандарга айына 2500, саатына 50 доллардан айлык сунушталууда.
"Сан-Францискодогу Demand Protest уюмунун жарнамасынын урааны —"Трампка каршы чыгып, акча ал!". Ал уюм АКШнын бир катар шаарларында ушундай жарнамаларды чыгарган", — деп жазат Washington Times.
Ошол эле убакта журналисттер Demand Protest уюмунун жарыясы алдамчылык болушу дагы мүмкүн деген ойдо.
Маалыматка караганда, Трамп мурда ага каршы чыккандарга акча төлөнүп жатканын айтып даттанган.
Трамптын инаугурациясы Вашингтондо 20-январь күнү болот.
