БИШКЕК, 16-янв. — Sputnik. Интернетте "Манас" аэропортунун жака белинде кыйраган учактын видеосу жарыяланды.
Буга чейин "Манас" аэропортунун маалымат кызматы учактын кыйраганын ырастап, "Түрк аба жолдору" авиакомпаниясына таандык жүк ташуучу учак Дача-Суу айылына жакын жерге кулаганын тастыктаган.
Ал эми кулап түшкөн учактан улам эки үй күйүп жатканын ӨКМдин кризистик абалды башкаруу борборунун башчысы Мухаммед Сваров билдирди.
Учурда өрттү өчүрүүгө 16 техника тартылды.
