Аида Салянова: соцтармакта "лайк" баскандар жоопко тартылышы мүмкүн
Белгилей кетсек, буга чейин УКМК социалдык тармактарда президент Алмазбек Атамбаевдин беделине шек келтиргендердин тизмеги түзүлгөнүн жар салган.
"Конституцияга ылайык, ар бир жаран өз оюн айтууга укуктуу. Ошондуктан УКМКнын социалдык тармактарда президент тууралуу ачуу сындарды айткандарды тизмектеши, иликтеши мыйзамсыз. Буга прокуратура укуктук баасын бериши керек", — деди Салянова.
Экс-баш прокурор УКМК бир гана президентти эмес, бардык жарандарды коргошу керектигин айтып, ушул жүрүш менен кетсек "лайк" баскандар жоопко тартылып калышы мүмкүндүгүн кошумчалады.
