БИШКЕК, 6-дек. — Sputnik. Түп райондук хатибияты жакыр үй бүлөлөргө жардам берүүдө. Бул тууралуу муфтияттан билдирди.
Маалыматка ылайык, райондун баш имамынын демилгеси менен Түп айылындагы жакыр, социалдык жардамга муктаж үй-бүлөлөргө ун азыгы таратылды.
"Мындай иш-чараларды жакынкы арада дагы уюштурууну пландап жатабыз. Кайрымдуулук иштерин байма-бай өткөрүү биздин жылдык иш планда каралган", — деди имам Бакыт ажы Кайкиев.
Кайрымдуулук иш-чарасы "Белек Ата" борбордук мечитинде өтүп, жакыр үй-бүлөлөргө 10 килограммдан ун таратылды.
