БИШКЕК, 4-янв. — Sputnik. Жаңы конуш тургундарынын үйлөрүнө газ киргизүү акысы төмөндөтүлдү. Бул тууралуу парламенттин маалымат кызматы билдирди.
Ага ылайык, ЖКнын аппарат жетекчиси Абдыманап Кутушевдин жетекчилиги астында жумушчу жыйын өткөрүлдү.
Жыйында Отун-энергетикалык комплекси жана жер казынасын пайдалануу боюнча комитеттин бөлүм башчысы Айбек Жүрүнов депутаттардын жаңы конуштарды газ менен камсыз кылуу маселеси боюнча да протоколдук тапшырмасы болгонун билдирди.
"Газпром" ишканасы тогуз жаңы конушта газ түтүктөрүн орнотуп бүткөн. Эми аларды үйлөргө киргизүү маселеси калды. "Газпром" ишканасы газды кошуу акысы төмөндөтүлгөндүгүн билдирди", — деди Жүрүнов.
Буга чейин газды кошуу акысы кымбат болуп, бир топ маселелерди жараткан.
