БИШКЕК, 4-янв. — Sputnik. Өзгөчө кырдаалдар министрлигинин алдындагы Гидрометеорология агенттиги январь айына күтүлгөн аба-ырайынын божомолун жарыялады.
Чүй жана Талас облустары
Бул айда эки аймакта аба-ырайынын орточо температурасы –3…–5 градуска чейин суук болот. Кемин өрөөнүнүн тоолуу аймактарында —7… —9 градуска чейин муздайт. Түнкүсүн –10…–15 градустан —3…–8 градуска чейин суук болсо, күндүз 0…–5 градус сууктан 5-10 градуска чейин жылыйт.
Ош, Жалал-Абад жана Баткен облустары
Абанын орточо температурасы 2…4 градуска чейин жогорулап, түнкүсүн 5 градустан –8…–13 градуска чейин суук, ал эми күндүз 0…–5 градустан +7…+12 градуска чейин жылуу болушу күтүлөт.
Ысык-Көл облусу
Аталган облуста абанын орточо температурасы 2…4 градус нөлдөн жогору болот. Түнкүсүн 10 градуска чейин суук болот. Күндүз –1…–6 градус сууктан 0…+5 градуска чейин жылымакчы.
Нарын облусу
Тоолуу аймакта абанын орточо температурасы –10 –15 градуска чейин муздайт. Бир ай ичинде түнкүсүн аба ырайы болжолдуу түрдө –7…–12 градустан –19…–24 градуска жетсе, күндүз 2-7 градустан 8-13 градус чейин нөлдөн төмөн болот.
