БИШКЕК, 27-дек. — Sputnik. Россиянын Федералдык миграция кызматынын чет элдик жарандарды убактылуу кармоочу жайында Кыргызстандын 91 жараны кармалып турганын Москвадагы кыргыз элчилиги билдирди.
Маалыматка ылайык, 23-декабрь күнү элчиликтин кызматкерлери кыргыз диаспорасынын өкүлдөрү менен биргеликте аталган жайга барып келишкен. Мекендештерди келе жаткан Жаңы жылы менен куттуктап, ар бир жаран менен жеке сүйлөшүп чыгышкандан кийин узакка кармалуунун себептерин түшүндүрүп беришти. Аларга ысык тамак уюштурулду.
Атайын жайдын төрага орун басары дипломаттарга мекеменин ишинин жакшырганын, чет элдик жарандарды кармоо мөөнөтүнүн кыскарганын айтып берди.
23-декабрга карата аталган жайда Кыргызстандын 91 жараны кармалып турса, анын 10у кармоо учурунда өздөрүн башка ысым менен тааныштырышкан.
