БИШКЕК, 23-дек. – Sputnik. Бүгүн саат 12лер чамасында Бишкек — Ош жолунун 198-чакырымында кар көчкү түшүп, эки жүк ташуучу унааны жолдон сүрүп салганын ӨКМ билдирди.
Маалыматка ылайык, көчкүнүн көлөмү 7200 куб метрди түзөт. Аталган аймакка жолдун 154-чакырымында нөөмөттө турган куткаруучулар чыгып кетти. Жабыркагандар тууралуу маалымат жок.
Жол каттамы жабык. Аны тазалоо үчүн атайын техника тартылды.
Эскерте кетсек, буга чейин Ала-Беш ашуусунда кар көчкү түшүп, жүргүнчү ташыган унааны жол жээгине сүрүп салган.
