Айзура Чыкынова: окуучулар кышкы каникулда 12 күн эс алат
Мектептердеги кышкы каникул 12 күнгө созула турганын Билим берүү жана илим министрлигинин маалымат кызматынын өкүлү Айзура Чыкынова билдирди.
"Билим берүү жана илим министрлигинин буйругу менен бекитилген 2016-2016-окуу жылынын базистик окутуу планына ылайык мектептердеги кышкы каникул 30-декабрдан 10-январга чейин созулат. Райондук, шаардык билим берүү бөлүмдөрү карантинге чыккан күндөрдөгү сабактарды өткөрүү мөөнөтүн өз ара чечип, министрлик менен макулдашат", — деди ал.
Белгилей кетсек, Кыргызстандагы мектептерде учурда экинчи чейрек аяктап бара жатат.
